ប្រជាពលរដ្ឋរាប់រយគ្រួសារ នៅឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង កំពុងជួបវិបត្តិទឹកធំឆ្នាំនេះ
ខេត្តកំពង់ឆ្នាំង៖ ប្រជាពលរដ្ឋរាប់រយគ្រួសារ នៅឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង បានត្អូញត្អែថា ក្នុងពេលពួកគាត់ជួបបញ្ហាទឹកលិចរយៈជិត៣ខែមកនេះ មិនហ៊ានចេញទៅនេសាទត្រី ដោយសារតែភាពភ័យខ្លាចគ្រោះថ្នាក់ ដោយសារខ្យល់ និងទឹករលកខ្លាំងៗពេក។
លោក តន់ ភារិទ្ធ បានកលើកឡើងថាឆ្នាំនេះទឹកធំ មានទំហំនៃការលិចលង់ខ្លាំងជាឆ្នាំមុនៗ ប្រជាពលរដ្ឋនៅតំបន់នេះ នៅរដូវទឹកសម្រក មានមុខរបរនេសាទត្រីតាមដងទន្លេ ខ្លះទៀតប្រកបមុខរបរបានធ្វើស្រែ និងរបរបន្ទាប់បន្សំផ្សេងទៀត។ ចំណែករដូវនេះ ក៏ធ្វើនេសាទត្រីខ្លះដែរ សំរាប់ដោយឆ្នាំនេះទឹកធំពេក នឹងមានខ្យល់បោកបក់ខ្លាំងពេក ពួកគាត់មិនហ៊ានចេញទៅនេសាទទេ ព្រោះខ្លាចមានគ្រោះថ្នាក់ តែក៏មានគ្រួសារខ្លះប្រថុយជីវិត ចេញទៅនេសាទដែរព្រោះតែបញ្ហាជីវភាពខ្វះខាត។
លោក តន់ ភារិទ្ធ បានបញ្ជាក់ថាការឡើងចុះមិនទៀងទាត់ នៃរបបទឹកក្នុងបឹងទន្លេសាប កំពុងក្លាយជាក្ដីបារម្ភមួយសម្រាប់ប្រជានេសាទក្នុងឃុំឆ្នុកទ្រូ ដែលពឹងអាស្រ័យផលសំខាន់លើធនធានជលផល។ ប្រជាពលរដ្ឋបារម្ភថា ពួកគេអាចនឹងបាត់បង់របរពីដូនតា ខណៈដែលធនធានត្រីកាន់តែខ្សត់ពីមួយឆ្នាំទៅមួយឆ្នាំ។
បឹងទន្លេសាប ដែលធ្លាប់ត្រូវបានគេហៅថា ជាជង្រុកត្រីដ៏ធំជាងគេនៅកម្ពុជា កំពុងផ្លាស់ប្ដូរនាពេលបច្ចុប្បន្ននេះ។ ការផ្លាស់ប្ដូរនេះត្រង់ថា ធនធានត្រីកាន់តែខ្សត់ ដែលធ្វើឱ្យប្រជានេសាទមើលមិនច្បាស់ពីអនាគតនៃរបរនេសាទ ក្នុងបឹងដ៏ធំមួយនេះ។
ជាចុងក្រោយ លោក តន់ ភារិទ្ សូមអំពាវនាវដល់អាជ្ញាធរឃុំ ស្រុក និងមន្រ្តីជំនាយជួយបន្ធូបន្ថយអោយប្រជាពលនេសាទលក្ខណៈគ្រួសារ ជាពិសេសអំពាវនាវក្រុមគ្រូពេទ្យស្ម័គ្រចិត្ត មកជួយពិនិត្យ ព្យាបាលជម្ងឺជូនប្រជាពលរដ្ឋឱ្យបានញឹកញាប់ផង ក្នុងស្ថានភាពទឹកលិចមូលដ្ឋាន ទាំងស្រុងបែបនេះ ដូចនេះអាចប្រឈមខ្ពស់នឹងជម្ងឺដង្កាត់ផ្សេងៗ រួមទាំងសត្វពាហនៈផងដែរ៕
