រដ្ឋាភិបាលក្រុងប៉ោយប៉ែត ចុះសម្របសម្រួល កម្មករ បណ្តុំគា្ន តវ៉ា នៅរោងចក្រ អូរនាង
ខេត្តបន្ទាយមានជ័យ: នាព្រឹកថ្ងៃទី៤ ខែវិច្ឆិកា ឆ្នាំ២០២២ អភិបាលក្រុងប៉ោយប៉ែត លោក គាត ហ៊ុល ដឹកនាំ មន្រ្តីពាក់ព័ន្ធនៃរដ្ឋបាលក្រុងប៉ោយប៉ែត សហការជាមួយមន្រ្តីនៃស្ថាប័នបេឡាជាតិសន្តិសុខសង្គម (ប.ស.ស.) និងមន្រ្តីប្រចាំការនៃមន្ទីរការងារ និងបណ្តុះបណ្តាលវិជ្ជាជីវៈខេត្តបន្ទាយមានជ័យ រួមនឹងភាគីពាក់ព័ន្ធបានចុះផ្ទាល់ដល់ទីតាំងចូលរួមសម្របសម្រួលការដោះស្រាយក្នុងករណីវិវាទការងារទាក់ទងនឹងការបើកលុយប្រាក់ខែមិនទៀងទាត់ដល់កម្មករ-កម្មការិនីនៅក្នុងរោងចក្រកាត់ដេរសម្លៀកបំពាក់ អិមអិល អ៊ិនធីមេត អឹភែរឹល (ខេមបូឌា) (ML INTIMATE APPAREL (CAMBODIA) ស្ថិតនៅក្នុងតំបន់សេដ្ឋកិច្ចពិសេសប៉ោយប៉ែត-អូរនាង ក្នុងសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ជាលទ្ធផលប្រកបដោយផ្លែផ្កា ដោយបានការសហការចូលរួមប្រកបដោយការទទួលខុសត្រូវខ្ពស់ពីភាគីរោងចក្រក្នុងការឯកភាពទទួលយកតាមសំណើរបស់កម្មករ និងកិច្ចសម្របសម្រួលយ៉ាងយកចិត្តទុកដាក់ពីមន្រ្តីអាជាធរពាក់ព័ន្ធ និងការចូលរួមរបស់ក្មួយៗកម្មករ-កម្មការិនី ទើបឈានដល់ការឯកភាពរួមគ្នាបញ្ចប់វិវាទក្នុងបរិយាកាសប្រកបដោយសហភាតរភាព និងសប្បាយរីករាយក្រៃលែង៕
