លោក ជុង សុជាតិ នាំយកថវិកាឯកឧត្តម ស សុខា និងលោកជំទាវ ចូលបុណ្យសពម្តាយលោក ខាន់ ស៊ីដេត
កំពង់ឆ្នាំង ៖ នៅរសៀលថ្ងៃទី០៣ ខែធ្នូ ឆ្នាំ២០២២ នេះ លោក ជុង សុជាតិ និងលោក ប៉ែត ចាន់រដ្ឋា អនុប្រធានសមាគមសម្ព័ន្ធសារព័ត៌មានឯករាជ្យ លោក គង់ សារិទ្ធិ អគ្គលេខាធិការសមាគម ព្រមទាំងក្រុមការងារ ជាតំណាងឯកឧត្តមបណ្ឌិត ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ បាននាំយកថវិការបស់ឯកឧត្តម ស សុខា ប្រធានកិត្តិយសសមាគមសម្ព័ន្ធសារព័ត៌មានឯករាជ្យ និងលោកជំទាវ កែ សួនសុភី ចំនួន ២ ៤០០ ០០០រៀល (ពីរលានបួនសែន) ចូលបុណ្យសពឧបាសិកា ចាន់ ធិន ត្រូវជាម្តាយបង្កើតរបស់លោក ខាន់ ស៊ីដេត ប្រធានផ្នែកទីផ្សារ និងលក់ នៃសមាគមសម្ព័ន្ធសារព័ត៌មានឯករាជ្យ នៅភូមិចំបក់កន្ទ្រាល សង្កាត់តាំងក្រសាំង ស្រុកទឹកផុស ខេត្តកំពង់ឆ្នាំង។
សូមបញ្ជាក់ថា ឧបាសិកា ចាន់ ធិន បានទទួលមរណភាពកាលពីវេលាម៉ោង ២១:២០នាទីយប់ ថ្ងៃទី០២ ខែធ្នូ ឆ្នាំ២០២២ ក្នុងជន្មាយុ ៧៥ឆ្នាំ ដោយរោគាពាធ។ បច្ចុប្បន្នសពតម្កល់ទុកធ្វើបុណ្យតាមប្រពៃណីព្រះពុទ្ធសាសនានៅភូមិចំបក់កន្ទ្រាល សង្កាត់តាំងក្រសាំង ស្រុកទឹកផុស ខេត្តកំពង់ឆ្នាំង។
