ឯកឧត្តម ដួង ច័ន្ទអម្រិត ទីប្រឹក្សាសម្តេចក្រឡាហោម ស ខេង បានដឹកនាំអ្នកវិនិយោគិន ចូលជួបសម្តែងការគួរសម ឯកឧត្តម ឧត្តមសេនីឯក ខេង សៅវិបុត ប្រធានលេខាធិការដ្ឋានកិច្ចការទីប្រឹក្សា និងជំនួយការនៃអគ្គលេខាធិការដ្ឋានក្រសួងមហាផ្ទៃ
រាជធានីភ្នំពេញ ៖ ព្រឹកថ្ងៃទី០៣ ខែមករា ឆ្នាំ២០២២ ឯកឧត្តម ដួង ច័ន្ទអម្រិត ទីប្រឹក្សាសម្តេចក្រឡាហោម ស ខេង បានដឹកនាំអ្នកវិនិយោគិន ចូលជួបសម្តែងការគួរសម ឯកឧត្តម ឧត្តមសេនីឯក ខេង សៅវិបុត ប្រធានលេខាធិការដ្ឋានកិច្ចការទីប្រឹក្សា និងជំនួយការនៃអគ្គលេខាធិការដ្ឋានក្រសួងមហាផ្ទៃ។
នាឱកាសនោះ ឯកឧត្តម ឧត្តមសេនីឯកបានថ្លែងអំណរគុណ និងកោតសសើរជូនដល់ឯកឧត្តម ដួង ច័ន្ទអម្រិត ទីប្រឹក្សាសម្តេចក្រឡាហោម ស ខេង ដែលបានដឹកនាំអ្នកវិនិយោគិនផ្ទាល់របស់ឯកឧត្តម ថែមទាំងយកកម្លាំងកាយ លះបង់ពេលវេលា និងយកចិត្តទុក្ខដាក់ ធ្វើយ៉ាងណាឱ្យទទួលបានជោគជ័យ។ ឯកឧត្តម ឧត្តមសេនីឯក បានផ្តាំផ្ញើរ សូមបន្តការសាមគ្គីភាពគ្នាក្រោមដំបូលសន្តិភាព ដែលមានសម្តេចអគ្គមហាសេនាបតី តេជោ ហ៊ុនសែន នាយករដ្ឋមន្ត្រីនៃកម្ពុជា។
បន្ទាប់ពីស្តាប់ការណែនាំឯកឧត្តម ឧត្តមសេនីឯក រួចមកក្រុមអ្នកវិនិយោគិនបានថ្លែងអំណរគុណយ៉ាងជ្រាវជ្រៅ និងគោរពជូនពរឯកឧត្តម ឧត្តមសេនីឯក លោកជំទាវ ព្រមទាំងបុត្រាបុត្រីសូមបួងសួងដល់គុណបុណ្យព្រះរតនត្រ័យ វត្ថុសក្តិសិទ្ធិទាំងឡាយលើលោក ទេវតាថែរក្សាព្រះមហាស្វេតច្ឆ័ត្រ សូមជួយប្រោះព្រំ ប្រទានពរជ័យដល់ឯកឧត្តម ឧត្តមសេនីឯក សូមទទួលបាននូវសុខភាពល្អបរិបូរណ៍ កំលាំងមាំមួន ប្រាជ្ញាវាងវៃ អាយុយឺនយូរជាងរយវស្សា ដើម្បីបន្តចូលរួមដឹកនាំប្រទេសជាតិ ជានិច្ចនិរន្តរ៍ ។
ជាចុងបញ្ចប់ឯកឧត្តម ដួង ច័ន្ទអម្រិត សូមបួងសួងដល់គុណបុណ្យព្រះរតនត្រ័យ វត្ថុសក្តិសិទ្ធិទាំងឡាយលើលោក ទេវតាថែរក្សាព្រះមហាស្វេតច្ឆ័ត្រ សូមជួយប្រោះព្រំ ប្រទានពរជ័យដល់ឯកឧត្តម ឧត្តមសេនីឯក ខេង សៅវិបុត សូមទទួលបាននូវសុខភាពល្អបរិបូរណ៍ កំលាំងមាំមួន ប្រាជ្ញាវាងវៃ អាយុយឺនយូរជាងរយវស្សា ដើម្បីបន្តចូលរួមដឹកនាំប្រទេសជាតិ ជានិច្ចនិរន្តរ៍ ។