ចាងហ្វាងចលនាសង្គម ស្នើសុំដល់អាជ្ញាធរមានសមត្ថកិច្ច ជួយស្រាវជ្រាវ ចាប់ជនពាល
អង្គភាពសារព័ត៌មាន ចលនាសង្គម ស្នើសុំដល់អាជ្ញាធរមានសមត្ថកិច្ចគ្រប់ជាន់ថ្នាក់ ជាពិសេសនាយកដ្ឋានប្រឆាំងបទល្មើសបច្ចេកវិទ្យា ជួយស្រាវជ្រាវ ចាប់ជនពាលដែលបានលួចយក គេហទំព័រ ចលនាសង្គម www.cns12news.com (លួចដាក់លក់) កាលពីព្រឹកថ្ងៃទី៧ ខែកុម្ភ: ឆ្នាំ២០២៣ ដោយគ្មានការអនុញ្ញាត សូមចាប់ខ្លួនបុគ្គលនោះមកដើម្បីផ្តន្ទាទោសតាមច្បាប់ជាធរមាន.!
ខណ:ពេលនេះដែរ គេហទំព័រ ចលនាសង្គម ដែលមានលោក ពុត សាម៉ាត់ ជាចាងហ្វាងការផ្សាយ បានបញ្ជាក់ថា ខណ:នេះ អ្នកបង្កើតគេហទំព័រចលនាសង្គម បានលួចប្រកាសលក់ ដោយស្ងាត់ៗ។
លោកពុត សាម៉ាត់ ចាងហ្វាងការផ្សាយចលនាសង្គម បានអំពាវនាវ សូមប្រកាស និងជូនដំណឹង ដល់សាធារណជនមេត្តាជ្រាបថា៖ ថ្មីៗនេះមានជនពាលបានលួចយកស្លាកសញ្ញា(Logo)របស់កាសែតចលនាសង្គម និងdomainលួចដាក់លក់ ដោយគ្មានការអនុញ្ញាត ពីអង្គភាពយើងខ្ញុំឡើយ។
អង្គភាពសារព័ត៌មាន ចលនាសង្គម យើងខ្ញុំសូមប្រកាសបដិសេធទាំងស្រុង ក្នុងករណីណាមួយ ដែលជនពាលនេះបានសរសេរបង្ហោះប្រព្រឹត្ត ខុសច្បាប់នៃព្រះរាជាណាចក្រកម្ពុជា។
ជាមួយគ្នានេះដែរអង្គភាពចលនាសង្គមយើង ។
សូមបញ្ចាក់ផងដែលថាបន្ទាប់ពីមានសារព័ត៌មានក្នុងស្រុកបានចុះផ្សាយមក នៅវេលាម៉ោង ៨:៥៨ នាទីយប់ គេហទំព័រ ចលនាសង្គមបើកទៅឃើញថាលុបតម្លៃលក់វិញហើយបានប្តូរឃើញផ្ទាំងមេរោគ codiv19 ទៅវិញដោយ ទស្សនៈលោកផ្ទាល់ល្បិចលួច Hack នេះនៅលើអ្នកធ្វើវើបសាយ បន្តិចខុសនេះ បន្តិចខុសនោះ មិនចេះចប់ មិនចេះហើយ.! ពេលម្ចាស់សុំឌូមិន យកមកគ្រប់គ្រងមិនអោយគេទេ តើមូលហេតុអុី.?បើគេទិញអោយលុយគ្រប់អស់ហើយហ្នឹង.?
ជាចុងក្រោយ លោក ពុត សាម៉ាត់ សូមស្នើដល់អាជ្ញាធរមានសមត្ថកិច្ចគ្រប់ជាន់ថ្នាក់ ជាពិសេសនោះនាយកដ្ឋានប្រឆាំងបទល្មើសបច្ចេកវិទ្យា នៃក្រសួងមហាផ្ទៃ មេត្តាចុះស្រាវជ្រាវចាប់ជននេះដើម្បីផ្តន្ទាទោសតាមច្បាប់ជាធរមាន៕
