ឯកឧត្តម ដួង ច័ន្ទអម្រិត ទីប្រឹក្សាសម្តេចក្រឡាហោម ស ខេង បានដឹកនាំក្រុមការងារ ចូលជួបសម្តែងការគួរសម ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ
រាជធានីភ្នំពេញ ៖ ព្រឹកថ្ងៃពុធ ៣កើត ខែបុស្ស ឆ្នាំឆ្លូវ ព ស ២៥៦៥ ត្រូវនឹងថ្ងៃទី៥ ខែមករា ឆ្នាំ២០២២ ឯកឧត្តម ដួង ច័ន្ទអម្រិត ទីប្រឹក្សាសម្តេចក្រឡាហោម ស ខេង បានដឹកនាំក្រុមការងារ ចូលជួបសម្តែងការគួរសម ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ
ក្នុងជំនួបសម្តែងការគួរសម ឯកឧត្តម នាយឧត្តមសេនីយ៍តិ បានផ្តល់ប្រសាសន៍ណែនាំ និងបានចែករំលែកបទពិសោធន៏ និងរបៀបនៃការគិតគូរក្នុងភាពអ្នកដឹកនាំ ដើម្បីបានស្វែងយល់ពីភាពជាក់ស្តែងក្នុងការអនុវត្តការងារប្រកបដោយទំនួលខុសត្រូវខ្ពស់។
ក្នុងនាមជាទំពាំងស្នងឬស្សី យើងត្រូវខិតខំរៀនសូត្រ គិតគូរឱ្យបានគ្រប់ជ្រុងជ្រោយព្រមៗគ្នា ទាំងទិដ្ឋភាពការពារជាតិ សន្តិសុខជាតិ ការបរទេស សេដ្ឋកិច្ច និងសង្គមកិច្ច ដើម្បីចូលរួមជាកម្លាំងចលករក្នុងការអភិវឌ្ឍសង្គមជាតិ ក៏ដូចជាបន្តរែកពន់ និងទទួលខុសត្រូវលើជោគវាសនារបស់ប្រទេសជាតិ។
