ទឹកដោះគោជិត ៣ ០០០កំប៉ុងធំ ជាអំណោយរបស់ឯកឧត្តម ស សុខា និងលោកជំទាវ ត្រូវបានចែកជូនពលរដ្ឋ ៩៣២នាក់

បន្ទាយមានជ័យ ៖ ទឹកដោះគោកូនក្មេង France BeBe ចំនួន ៤៦៦កេស ស្មើនឹង ២ ៧៩៦កំប៉ុងធំ ជាអំណោយរបស់ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ និងលោកជំទាវ កែ សួនសុភី នៅព្រឹកថ្ងៃទី១៨ ខែកុម្ភៈ ឆ្នាំ២០២៣ នេះ ត្រូវបានក្រុមការងារសហភាពសហព័ន្ធយុវជនកម្ពុជា ស្រុកព្រះនេត្រព្រះ ក្រុងសិរីសោភ័ណ និងក្រុងប៉ោយប៉ែត នៃសហភាពសហព័ន្ធយុវជនកម្ពុជា ខេត្តបន្ទាយមានជ័យ ចែកជូនដល់បងប្អូនប្រជាពលរដ្ឋដែលមានកូនអាយុ ៦ខែចុះក្រោម ចំនួន ៩៣២នាក់ ដើម្បីជួយសម្រាលដល់ការចំណាយក្នុងការទិញទឹកដោះគោប្រចាំថ្ងៃ សម្រាប់កូនៗ។

ទឹកដោះគោកូនក្មេង France BeBe ជាអំណោយរបស់ឯកឧត្តម ស សុខា និងលោកជំទាវ ដែលក្រុមការងារ បានចែកជូនបងប្អូនប្រជាពលរដ្ឋទាំង ៩៣២នាក់ នាឱកាសនោះ ក្នុងម្នាក់ៗទទួលបានទឹកដោះគោ ចំនួន ៣កំប៉ុងធំ រួមមាន ៖ ទី១. ស្រុកព្រះនេត្រព្រះ ចែកជូនដល់ប្រជាពលរដ្ឋ ចំនួន ៧៥០នាក់ ស្មើនឹងទឹកដោះគោ ចំនួន ២ ២៥០កំប៉ុងធំ ទី២. ក្រុងសិរីសោភ័ណ ចែកជូនប្រជាពលរដ្ឋ ចំនួន ៨២នាក់ ស្មើនឹងទឹកដោះគោ ចំនួន ៤១កេស ស្មើនឹង ២៤៦កំប៉ុងធំ និងទី៣. ក្រុងប៉ោយប៉ែត ចែកជូនដល់ប្រជាពលរដ្ឋ ចំនួន ១០០នាក់ ស្មើនឹងទឹកដោះគោ ចំនួន ៥០កេស ស្មើនឹង ៣០០កំប៉ុងធំ៕


អត្ថបទ៖ Admin

ព័ត៌មាន ថ្មីៗ

រដ្ឋបាលរាជធានីភ្នំពេញ នឹងដាក់ឱ្យដំណើរការសាកល្បង “ផ្លូវថ្មើរជើង (Walk Street)” នៅថ្ងៃស្អែកនេះ
រាជធានីភ្នំពេញ ចាប់ផ្តើមយុទ្ធនាការ ចុះឈ្មោះអ្នកសេដ្ឋកិច្ចក្រៅប្រព័ន្ធ​ ក្នុងគោលបំណងផ្សព្វផ្សាយ លើកទឹកចិត្តដល់អ្នកប្រកបមុខរបរ សេដ្ឋកិច្ចក្រៅប្រព័ន្ធ
ឯកឧត្តមអភិសន្តិបណ្ឌិត ស សុខា បង្ហាញក្ដីរីករាយនៅពេលធនធានមនុស្សខេត្តព្រៃវែង ៦០០អង្គ/នាក់ទៀត បានបញ្ចប់វគ្គជំនាញរដ្ឋបាលកុំព្យូទ័រ និងកាត់តវីដេអូ
ប្រធាន សមាគម សហពន្ធ័វិនិយោគិនកម្ពុជា រួមនិងសមាជិក សមាជិកា ប្រកាសគាំគាំទ្រ គោលនយោ បាយ យុទ្ធ សាស្ត្រជាតិ ស្តីពីការអភិវឌ្ឈសេដ្ឋកិច្ចក្រៅ​ប្រព័ន្ធ ឆ្នាំ២០២៣- ២០២៨ និងថ្នាលឌីជីថល ចុះឈ្មោះអ្នកសេដ្ឋកិច្ចក្រៅប្រព័ន្ធ ដែលដាក់ចេញដោយរាជរដ្ឋាភិបាល...
ឯកឧត្តមអភិសន្តិបណ្ឌិត ស សុខា សរសើរលទ្ធផលការងារអន្តោប្រវេសន៍ ដើមនីតិកាលថ្មី និងផ្ដល់គោលការណ៍ណែនាំឱ្យយកចិត្តទុកដាក់កិច្ចការអាទិភាពមួយចំនួន!
ប្រមុខក្រសួងមហាផ្ទៃ កម្ពុជា-ថៃ ប្ដេជ្ញាពូនជ្រុំកិច្ចសហប្រតិបត្តិខេត្តជាប់ព្រំដែនឱ្យកាន់តែរីកចម្រើន ដើម្បីផលប្រយោជន៍ជាតិ និងប្រជាជនទាំងសងខាង