លោក សេង ឌី នាយប៉ុស្តិ៍នគរបាលរដ្ឋបាលឆ្នុកទ្រូ និងសហការីផ្តល់អំណោយដល់ជនរងគ្រោះដោយសារគោជល់កន្លងមក។
ថ្ងៃទី ១៩ កុម្ភៈ ២០២២ ប៉ុស្តិ៍នគរបាលរដ្ឋបាល ឆ្នុកទ្រូបានយកអំណោយបន្តិចបន្តួច មានអង្ក៥០គីឡូក្រាម ប្រាក់ខ្មែរ ៥០០០០៛ និងប្រាក់ដុល្លារ ៥០ដុល្លារ របស់ម្តាយមីងឈ្មោះម៉ក់ អ៉ឹង ជូនដល់ជនរងគ្រោះដោយគោជល់ នៅចំណុចអ្នកតាទាំង ស្ថិតនៅភូមិ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង។
ក្នុងឱកាសនោះដែរ លោក សេង ឌី បានពាំនាំនូវការផ្តាំផ្ញើរសាកសួរសុខទុក្ខពីសំណាក់ លោក សាំង គឹមស៊ន ប្រធានគណៈកម្មាធិការគណបក្សប្រជាជនកម្ពុជា ឃុំឆ្នុកទ្រូ ដែលតែងតែយកចិត្តទុកដាក់ ពីជីវភាពរស់នៅ របស់ប្រជាពលរដ្ឋ ដោយមិនមានការប្រកាន់និន្នាការនយោបាយអ្វីឡើយ។ លោក សេង ឌី បន្ថែមទៀតថា ថ្វីត្បិតតែនេះជាអំណោយបន្តិចបន្តួច តែបានជួយរំលែកទុក្ខលំបាកជនរងគ្រោះបានមួយចំណែកផងដែរ ដូច្នេះសូមអ្នកមីងខិតខំព្យាបាលជំងឺឲ្យឆាប់ជាសះស្បើយ ត្រូវប្រុងប្រយ័ត្នពីបញ្ហាសុខភាព ដោយហូបស្អាត ផឹកស្អាត រស់នៅស្អាត។
ម្យ៉ាងវិញទៀត ប្រទេសកម្ពុជាទទួលបានសុខសន្តិភាព និងការអភិវឌ្ឍមកដល់ថ្ងៃនេះ គឺក្រោមការដឹកនាំរបស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលជានិច្ចជាកាលសម្តេច តែងតែគិតគូរអំពីសុខទុក្ខរបស់បងប្អូនប្រជាពលរដ្ឋ ជាពិសេសទីណាមានទុក្ខលំបាក ទីនោះតែងតែមានសម្តេច នៅជាមួយបងប្អូនជានិច្ច ដោយមិនទុក្ខឲ្យបងប្អូនណាម្នាក់ស្លាប់ដោយសារគ្មានបាយហូបនោះទេ។
