រថយន្តដឹកដី ធ្លាក់ដីពេញផ្លូវវជាតិលេខ ៣១៧ នៅស្រុកបាភ្នំ ខេត្តព្រៃវែង គ្មានអាជ្ញាធរជួយអន្តរាគមន៍ !!
ព្រៃវែង៖ ក្រុមរថយន្តដឹកដីប្រភេទធុនធំ ជាច្រើនគ្រឿងកំពុងបង្កភាពអាណាធិបតេយ្យ លើផ្លូវជាតិលេខ ៣១៧ ធ្លាក់ដីពេញផ្លូវ ធ្វើឲ្យពលរដ្ឋធ្វើដំណើរពីក្រោយ ពិបាកក្នុងការធ្វើដំណើរ ងាយរងគ្រោះថ្នាក់ចរាចរណ៌ជាយថាហេតុផងនោះ។
ប្រភពពីពលរដ្ឋបានប្រាប់ឲ្យដឹងនៅថ្ងៃទី ១៥ ខែមិនា ឆ្នាំ០២២២ បន្ទាប់ពី រថយន្តបែនដឹកដីរាប់សិបគ្រឿង កំពុងបំផ្លាញផ្លូវជាតិលេខ ៣១៧នៅស្រុកបាភ្នំ ខេត្តព្រៃវែង បានធ្វើអោយពលរដ្ឋក៌ដូចជាអ្នកធ្វើដំណើររិះគន់ដល់អាជ្ញាធរមូលដ្ឋាន មិនមានវិធានការដល់ក្រុមរថយន្តដឹកដី ដឹកមិនគ្របត្រឹមត្រូវ។
ប្រជាពលរដ្ឋ បាននិយាយថា រថយន្តដឹកដីឆ្លងកាត់ក្នុងភូមិឋាន របស់ពួកគាត់ គឺបើកលឿន ហើយពុំមានការគ្របដីឲ្យត្រឹមត្រូវនោះទេ បើទោះបីពួកគាត់នាំគ្នាប្រាប់ជាញយៗយ៉ាងណាក៏ដោយ ក៏អ្នកបើករថយន្តទាំងនោះ នៅតែបន្តរសកម្មភាពដដែល ពោលបើកលឿនដូចព្យុះ។ ដោយសារតែពួកគាត់ ពិបាករស់នៅពិបាកពេក ព្រោះតែដីហុយចូលមាត់ចូលចូលច្រមុះ ចូលចានបាយចានសម្លរ បង្កឲ្យប៉ះពាល់ដល់សុខភាពយ៉ាងធ្ងន់ធ្ងរ ខណៈអាជ្ញាធរមូលដ្ឋានហាក់បីដូចជា ធ្វើមិនដឹងមិនឮ។
ទាក់ទងករណីនេះដែរអ្នកសារព័ត៌មានបានទំនាក់ទំនងតាមទូរសព្ទមិនចូលលោក ទេព ភារុន អភិបាលស្រុកបាភ្នំឡើយ៕
