សិក្ខាសាលាស្តីអំពី ភាពជាដៃគូអាជីវកម្មសម័យទំនើប
នៅរសៀលថ្ងៃអាទិត្យទី២៦ ខែមិថុនា ឆ្នាំ២០២២ ក្រុមហ៊ុន អិន អេស ហ្សេតវើលដ៏ បានរៀបចំប្រារព្ធកម្មវិធីសិក្ខាសាលាស្តីអំពី ភាពជាដៃគូអាជីវកម្មសម័យទំនើប នៅសាលមហោស្របស្ទឹងសង្កែ ខេត្តបាត់ដំបង ដោយមានអ្នកចូលរួមចំនួន១២៥០នាក់ ក្រោមអធិបតីដ៏ខ្ពង់ខ្ពស់ ឯកឧត្តម ហាន សីហា ជាអគ្គនាយករងក្រុមហ៊ុន NSZ World រួមជាមួយថ្នាក់ដឹកនាំរបស់ក្រុមហ៊ុនជាច្រើនរូបទៀត ។
ការបង្កើតព្រឹត្តិការណ៍ដ៏អស្ចារ្យនេះឡើងមានគោលបំណងដើម្បីលើកទឹកចិត្តដល់ដៃគូម្ចាស់អាជីវកម្ម និងផ្ដល់ឱកាសជូនដល់បងប្អូនប្រជាពលរដ្ឋ កសិករ អាជីវករជាពិសេសយុវជនឱ្យក្លាយជាម្ចាស់អាជីវកម្មជាមួយក្រុមហ៊ុន អិន អេស ហ្សេត វើលដ៏ ។
ឯកឧត្តមបានបន្តរទៀតថា វិស័យទីផ្សារបណ្តាញនៅកម្ពុជា ដែលបានការយកចិត្តទុកដាក់ពីរាជរដ្ឋាភិបាល និងស្ថាប័នពាក់ព័ន្ធទាំងអស់ ក្នុងការលើកទឹកចិត្តដល់សហគ្រិនទូទាំងប្រទេស បង្កើតផែនការយុទ្ធសាស្ត្រទ្រទ្រង់ដល់វិស័យទីផ្សារបណ្តាញ និងដៃគូរចូលរួមសហការ ដើម្បីពង្រឹងសមត្ថភាពសង្វាក់ផលិតកម្ម ឱ្យមានគុណភាពតាមលក្ខណៈស្ដង់ដាទីផ្សាអន្តរជាតិ បង្កើនប្រាក់ចំណូល កាត់បន្ថយភាពក្រីក្ររបស់ប្រទេសជាតិ និងជម្រុញវិស័យសេដ្ឋកិច្ចជាតិ ឱ្យមានការរីកចម្រើនជាលំដាប់។
ជាចុងក្រោយ ឯកឧត្តម អគ្គនាយករងក្រុមហ៊ុន NSZ World បានមានប្រសាសន៍ស្វាគមន៍យ៉ាងកក់ក្ដៅបំផុតដល់អ្នកចូលរួមទាំងអស់រួមទាំងថ្លែងអំណរគុណយ៉ាងជ្រាលជ្រៅចំពោះបងប្អូនដែលបានគាំទ្រក្រុមហ៊ុន NSZ World ជាពិសេស ឯកឧត្តម បានកោតសរសើរយុវជន នៅក្នុងខេត្តបាត់ដំបងយើងមានការសាមគ្គីគ្នាល្អណាស់ បើកបេះដូងទូលាយចូលរួមនៃវប្បធម៌ចែករំលែក ដែរជ្រកក្រោមម្លប់សន្តិភាព៕
